Al mes de març, un vent de poesia e de cultura va bufar sus los cais de Garona ! Lo CIRDÒC-Mediatèca occitana & Fasem de Bruch – La Topina vos convidan le 16/03 per lo primièr còp en defòra del CIRDOC, una edicion de son Cafè mescladís dedicada a la buf poetic, a l’escasença de l’edicion  2019 de la Prima dels Poètas.

Aquelas doas seradas (amb lo vernissatge de la mòstra « La Baio de Sampeyre » de Bernard Delort) nos permetràn d’inaugurar un partenariat entre le CIRDOC e la Topina, a l’entorn de sas accions de promocion e de sensibilizacion del public gran a la lenga e a la cultura occitanas, notadament pel biais de l’accès al libre.

PROGRAMA DETALHAT

18:30 /  Avèm decidit d’aver rason – dialog musical e poetic.

Amb  Marie Coumes, Laurent Cavalié e Roland Pécout. Avèm decidit d’aver rason, creacion de Laurent Cavalié e Marie Coumes, es un crosament de las lengas, francesa e occitana, lengas escrita e musicala. Dos ans de trabalh e de recèrca a l’entorn de la poesia occitana d’aquelas 50 darrièras annadas, an donat naissença a aquel espectacle que met en lum qualques-unas de las pepitas dels poètas de la descolonizacion, dont l’incontornable poèma eponim de Rotland Pecot.Los artistas animaràn una discutida musicala e poetica en companhiá de l’escrivan.

19:45 / Poètas occitans, 50 ans de borbolh

Lo CIRDOC e l’Institut nacional de l’audiovisual vos menan dins un sègle i mièg de borbolh creatiu, per una imersion dins los archius televisuals e radiofonics. De Bernard Manciet a Aurelià Lassaca, de Joan Bodon a Silvan Chabaud, daissatz-vos portar per las voses modèrnas de la poesia occitana.

20:00 / Scèna dobèrta « De la poesia al slam, las lengas s’expriman a la Topina »

Los amators de mots, son los benvenguts per aquela scèna dobèrta slam/poesia. Dins un ambient convivial, poiretz escotar, dire, clamar, slamar o cantar d’unes tèxtes de la vòstra causida, dins lor lenga d’origina o dins la vòstra.Per participar a aquela aventura literària, inscrivètz-vos sens esperar al prèp de :  info@cirdoc.fr (abans lo 15/03)

Comments