Conferéncia de Peter Nahon « Nouvelles recherches sur les langues et les textes des Juifs du Midi » 24 de genièr de 2024
Peter Nahon es un ancian escolan de l’École des chartes, agregat de letras e doctor en lingüistica. Es encargat de recercas al CNRS dempuèi 2023.
Consacra sas recercas a l’estudi dels contactes lengatgièrs, filologics e culturals entre los mondes romans e ebraïcs. S’es interressat, en particular, a la comunautats josivas de França, a lors lengas, lors tèxtes, lors tradicions oralas e lors liturgias, sus los quals publiquèt mantuns libres, demest los quals Gascon et français chez les Israélites d’Aquitaine (Garnier, 2018), Le rite portugais à Bordeaux d’après son Seder ḥazanut (Geuthner, 2018), e Les parlers français des israélites du Midi (ELiPhi, 2023).
Las ancianas populacions josivas del sud de França, concentradas principalament en Gasconha litorala e en Provença rodanenca, emplegavan a l’oral e de còps a l’escrich de varietats de la lenga locala. Aqueles dialèctes judeo-occitans e las sorgas que ne testimonhian foguèron sovent malmenadas per la recerca passada, del fach dels nombroses problèmas d’interpretacion e d’analizi que soslèvan.
Aprèp un estat dels luòcs critic del domeni, lo prepaus presentarà las resultas de recercas recentas e en cors, prepausant un agach novèl sus aquesta compausanta variacionala del paisatge lingüistic meridional.
Data: Lo 24 de genièr, 18h30
Luòc: La Topina – 4 plaça
Bernard Lange. Tolosa
Dins l’encastre dels Dimecres Universitaris Occitans e Catalans, en partenariat amb Fasèm de Bruch.